التلعثم 🤪

التلعثم ده إيه بالظبط🤔؟

التلعثم، أو زي ما بنقول عليه "التأتأة"، هو لما الواحد يلاقي نفسه بيتلخبط في كلامه ويردد نفس الحرف أو الكلمة كتير، أو يقف فجأة في النص ويحاول يلاقي الكلمة اللي عايز يقولها.  مشكلة بسيطة كده بس ممكن تزعج الشخص وتخليه يحس بالإحراج.

إيه أسباب التلعثم ده😬؟

أسباب التلعثم كتير، ممكن تكون وراثية يعني جاتله من أهله، أو تكون بسبب مشكلة نفسية زي الخوف أو القلق، أو ممكن تكون بسبب مشكلة عضوية في الجهاز التنفسي أو الجهاز العصبي

التلعثم بيأثر على الإنسان إزاي🥴؟

التلعثم مش بس بيأثر على طريقة كلام الشخص، لأ ده بيأثر على حياته كلها. ممكن يخليه يتجنب الكلام في المواقف الاجتماعية، ويحس بالنقص والإحراج، وده طبعًا بيأثر على ثقته بنفسه وعلاقاته مع الناس

إزاي ممكن نتغلب على التلعثم🤗؟

الحمد لله، في حلول كتير للتلعثم، ممكن نروح لطبيب نفساني أو اخصائي نطق، أو نعمل تمارين خاصة بتقوية عضلات الكلام، وممكن كمان نستخدم بعض التقنيات زي التنفس ببطء والتحدث بوضوح. المهم إن الشخص المصاب بالتلعثم مييأسش ويحاول يلاقي العلاج المناسب.

نصيحة أخيرة🤍:

لو تعرف حد بيتلعثم، حاول تساعده وتشجعه، ومتسخرش منه، لأن ده ممكن يزود من مشكلته. خليه يحس إنك جنبه وبتفهمه.

✍🏻ا/سارة الشوربجي أخصائية التخاطب و العلاج الوظيفي Healthy Life Manager 

مع Healthy life هتعيش حياتك صح 😎 🔥