العلاقات السامىة

العلاقات السامة: (لما الحب♥️ يبقى وجع💔)

في حياتنا، بنقابل أنواع مختلفة من العلاقات من بين العلاقات دى نوع خطر جدا وهو العلاقات السامة.

و العلاقات السامة هي اللي بتكون مليانة توتر، ضغط نفسي، ومشاعر سلبية وإحباط...الخ. يعني بدل ما تكون مصدر سعادة ودعم، بتتحول لمصدر قلق وألم و أوجاع.😔

إيه هي العلاقة السامة؟🤔

العلاقة السامة هي العلاقة اللي فيها طرف أو أكتر بيستغلوا بعض، أو بيكون فيه عدم احترام وتقدير. ممكن تكون علاقة عاطفية، صداقة، أو حتى علاقة عائلية. الشخص اللي في العلاقة السامة غالبًا بيكون متحكم، بيقلل من قيمة الطرف التاني، أو دايمًا بيخليه يحس إنه مش كفاية.

علامات العلاقة السامة👇🏻👇🏻

1. الشعور بالتعب: لو كل مرة تقابل الشخص ده تحس إنك مرهق أو مش قادر تتنفس، يبقى فيه مشكلة.🤞🏻

2. الانتقاد المستمر: لو الشخص ده دايمًا بينتقدك أو بيقارنك بالناس، ده معناه إنه مش مقدر وجودك.🎯

3. عدم الدعم: لما تحتاج مساعدة أو دعم، تلاقيه بعيد ومش مهتم.

4. الغيرة المفرطة: الغيرة ممكن تبقى طبيعية، لكن لو وصلت لحد الشك والضغط، يبقى ده خطر وطالما الشك دخل العلاقة أيا كانت بيفسدها ويدمرها.♾️

إزاي تخرج من علاقة سامة🤔؟

1. التعرف على المشكلة: أول خطوة هي إنك تعترف إن العلاقة سامة. لازم تكون صريح مع نفسك يعنى ما تدورش على مبررات مهما كنت متعلق بالطرف التانى عشان انت اللى بتدفع التمن.👌🏻

2. وضع حدود: حاول تحط حدود واضحة. لو الشخص مش قادر يحترمها، يبقى لازم تفكر في الانسحاب.🏃🏻‍♀️

3. التحدث بصراحة: لو ممكن، حاول تتكلم مع الشخص بشكل صريح عن مشاعرك. يمكن يكون عنده وعي بالمشكلة ويقدر يتغير طب لو عملت ده ومفيش وحاولت كتير يبقى فورا تنهي العلاقة.

4. البحث عن الدعم: اتكلم مع أصدقاء بيحبوك من قلبهم بجد مش المزيفين أو أفراد عائلتك عن اللي بتحس بيه أو شخص انت بترتاح لية ف الكلام ويكون مصدر ثقة (الدعم الاجتماعي مهم جدًا).👩‍❤️‍👩

5. الانسحاب: لو كل المحاولات فشلت، يبقى لازم تفكر في الابتعاد عن الشخص ده. صحتك النفسية أهم من أي حاجة وافتكر دايما إن الشخص ده لو زعلك فارق معاه فهو أساساً مفروض ما يقبلش ولو لثانية واحدة أنه يزعلك.✋🏻

💮الخلاصة

العلاقات السامة ممكن تأثر على حياتنا بشكل كبير، لكن الأهم إننا نعرف نخرج منها. لازم نكون حريصين على صحتنا النفسية ونعرف نحيط نفسنا بأشخاص يدعمونا ويحبونا بجد. الحياة قصيرة، ولازم نعيشها مع الناس اللي بيخلوها أحلى.💫❤️

🖋️ك/ إسلام بكري

اخصائي الاستشارات النفسية و الدعم النفسي بمنصة Healthylife الصحية

🪪Healthylife CEO

مع Healthylife هتعيش حياتك صح

♥️