٢٧ أبريل

الغرز وايه هي الحاجات اللي المفروض نعملها

السلام عليكم ورحمة الله وبركاته🤍🤝🏻

هكلمكم النهاردة عن الغرز وايه هي الحاجات اللي المفروض نعملها وايه اللي نتجنبه عشان ميدخلناش في مشاكل وعشان صحتكم تهمنا كان لازم نتكلم عن الموضوع ده

نبدأ بالحاجات اللي المفروض نعملها✅✅

1- أهم حاجة واحنا بنتعامل مع الجروح او الغرز لازم الايد تكون مغسولة كويس عشان مننقلش للمريض العدوى ونحاول برضو نلبس جلافز (بيتجاب من الصيدلية عادي جدا)

2 - نحافظ علي المنطقة اللي فيها غرز ناشفة وميقربش منها أي مياه أو تبقى رطبة لان ده هيكون بيئة نشطة لنمو البكتيريا والجراثيم في المنطقة

3 -نعقمها ب محلول ملح وبعدها بيتادين أو أي مادة مطهرة ع حسب ما الدكتور كاتب

العناية بالمنطقة كويس يوميا بحيث اني اعرف لو اتغير لونها ف كل لون بيدل علي حاجة

👈🏻 الأصفر(صديد)بسبب العدوى

👈🏻 الأحمر بيحصل بسبب إلتهاب الجلد

4 -بعد ما نخلص نحط ضمادة علي الغرز ونحافظ علي المنطقة ناشفة غير رطبة زي ماقولنا

الحاجات اللي نتجنبها❌❌

1- الضغط علي الجرح 👌🏻

2- فرك الغرز عشان ممكن تدخلني في نزيف 🤌🏻

3- الرياضة اللي فيها حركة ممكن تأثر علي الجرح 👏🏻

4- السباحة عشان زي ماقولنا فوق متعملش بيئه رطبة 🤝🏻

✍🏻 كوتش /محمد عادل الحجاوي