top of page
بحث

النشويات في الدايت

دايما لما نيجي نتكلم علي النشويات بنقول انها اكتر حاجة بتشبع وبتسد معايا في اليوم لكن دا مش صح ابدا😎

انا جيت انهاردة عشان احكي ليكم قصة بسيطة بين علاقة النشويات وزيادة الوزن💫🩵


اول حاجة لازم نفرق بين الأنظمة الغذائية قليلة السعرات وبين قليلة النشويات⬇️


بالنسبة لقليلة السعرات فالفكرة هنا اني بساوي بين السعرات اللي باكلها وبين السعرات اللي بخرجها وبستهلكها في يومي الموضوع صح الي حد ما لكن في عوامل كتير بتأثر هنا ومش شرط كل الناس اللي طولها ووزنها زي بعض يبقى ياخدو نفس السعرات وهنا اكتر حاجة بنقللها هي الدهون لان هيا اكتر حاجه فيها سعرات ولما الدهون تقل هنستبدلها بأيه🤔


👈🏻 بنشويات وطبعا اني امشي علي نظام عالي النشويات فهو حاجة بتجوع جدا جدا جدا🌚🤷🏻‍♀️


نيجي بقا للنظام التاني وهو تقليل النشويات وفي النظام دا بنمشي علي نظرية مهمة جدا وهي نظرية الأنسولين او النشويات في تفسير زيادة الوزن☺️🍃


غالبا اكتر الناس اللي عندها سمنة فهي مشكلتها الأساسية هي النشويات لأن هيا اكتر حاجة بترفع الانسولين وهو هرمون التخزين ولأنها اكتر حاجة بتشبع جدا ساعة اكلها ولكن بتخليك تجوع بشكل اسرع بعدها بساعتين فبالتالي بدل ما بتقلل اكل انت كدا بتاكل اكتر وهنا انا بتكلم علي السكر البسيط والمعقد😉✨


فالحل ان احنا نقلل نشويات وبالتالي مقاومة الانسولين هتقل لان الانسولين هيقل عن المعدل الكبير اللي بيضرنا اكتر ما بينفعنا ويخلينا ناكل اكتر فبالتالي هنخس وهنحسن نظام جسمنا وكدا هنقلل نشويات بس مش هنقلل كل اكلنا ونفضل جعانين زي (نظام السعرات) لان زي ما قلنا كل ما بناكل نشويات اكتر كل ما بنجوع اسرع وكل ما بنتخن اكتر🥲✨


ولو حابين تعرفوا اكتر عن موضوع الشهية والجوع والاكل نخلي البوست دا يوصل لتفاعل كبير♥️✨🌚


أخصائية التغذية: شهد الغزال✍🏻🫰🏻💫


مع HealthyLife باذن الله تعالى هتعيش دايما بخير💫

٣ مشاهدات٠ تعليق

Comments

Rated 0 out of 5 stars.
No ratings yet

Add a rating
photo_2024-02-29_21-47-37.jpg
Get it on Google Play
bottom of page