top of page
بحث

نحسم الجدل دا بقا ونقول ان البطاطس تعتبر من احسن انواع النشويات

نحسم الجدل دا بقا ونقول ان البطاطس تعتبر من احسن انواع النشويات

طب ازاي يا دكتور دي البطاطس اكتر حاجة بتطخن🙃


هقولك انا ليه ، مبدأيا كدا انا هنا بتكلمش علي البطاطس اللي بنقليها او بنهرسها بجبنة او بزبدة او بنحط عليها كريمة ، انما انا بتكلم عن الحالة الطبيعية للبطاطس اللي تتاكل مشوية او مسلوقة وعليها ملح وفلفل بس


حد هيجي يقولي يا دكتور ما احنا بناكل صينية بطاطس باللحمه او الفراخ والصلصة😉♥️


انت قلت بنفسك اهوه مع كام حاجة بتاكلها طبيعي هتطخن لان احنا طول حياتنا مقسومين لنوعين من الناس ناس بتقول النشويات بتطخن وناس بتقول الدهون بتطخن ولكن الكارثة انه احنا مبناكلش دا لوحده او دا لوحده ، احنا بندمج الاتنين مع بعض عشان كدا بناكل اكتر🌚


لا يا دكتور مش فاهم قصدك ايه !!🥲


عمرك شفت حد ماسك جبنة بياكلها من غير عيش او حد ماسك علبه زبدة وبياكل فيها من غير عيش او كرواسون او بيحطها علي المكرونة او الرز غالبا لاء فا الميكس اللي احنا بنعمله في الاكل هوا اللي بيطخنا☺️


نرجع نشوف موضوع البطاطس.... بالنسبة للبطاطس هيا زيها زي العيش والرز والمكرونه ويمكن بترفع نسبة السكر اسرع منهم ولكن بالنسبة لمدة الشبع ف هي افضل منهم بكتير في النقطة دي💪🏻💫


ليه بقا 🤨


انا جاية اهو هقولك لي👇🏻


البطاطس جاية من فين ، جاية من الارض يعني هيا خضروات طبيعية مدخلتش في اي حاجه مصنعة او اتعدلت بتدخل الانسان علي عكس باقي النشويات فبالتالي لو اكلناها بشكل صح مسلوق او مشوي ومن غير هرس او من غير صوصات و زبدة وكريمة او مقلية فهيا هتشبعك بشكل كبير عن باقي النشويات ودي تجارب اتعملت علي ناس كتير وكمان مش هتاكل منها بشكل كبير زي ما بندمجها مع دهون😉✨


علي عكس المكرونة والرز والعيش المعدلين وراثيا والانسان بيتدخل في عملهم فنسبة انهم يشبعوك لمدة طويلة اقل بكتير من البطاطس


دا غير انها فيها فيتامينات ومعادن علي عكس باقي مصادر النشويات🥔🍞


ونسيت اقولك قبل ما امشي انه لما تيجي تاكلها خليها تبرد لان كل ما بتاكلها وهيا سخنة بتخليك تاكل منها اكتر😉✨


اخصائية التغذية: شهد الغزال ✍🏻📌


Healthy life we come to change your lifestyle♥️✨

٤ مشاهدات٠ تعليق

أحدث منشورات

عرض الكل

مفاهيم خاطئه عن مسمار العظم للتثبيت

في الناس فاهمه غلط عن المسامير اللي بستخدم في تجبيس الكسر🤦🏻‍♂️ أنا هقولك عن بعض الأفكار الغلط دي:🤔 1. الناس بتعتقد إن المسمار بيتستخدم بس في الكسور الكبيرة: غلط! المسمار بيتستخدم في أنواع مختلفة من

Commentaires

Noté 0 étoile sur 5.
Pas encore de note

Ajouter une note
photo_2024-02-29_21-47-37.jpg
Get it on Google Play
bottom of page