الإسعافات الأولية للدغات الثعابين والعناكب 🐍🕷

السلام عليكم🤗

>>>موضوعنا النهاردة عن الإسعافات الأولية للدغات الثعابين والعنكبوتات 🐍🕷️.

لما حد يتعرض للدغة ثعبان أو عنكبوت، لازم نكون عارفين إزاي نتصرف بسرعة وبشكل صحيح✅👏.

أول حاجة، لازم نفضل هادئين عشان نقدر نساعد المصاب🤝😌

الإسعافات الأولية للدغة الثعبان🐍:

1. نبعد الشخص عن الثعبان

2. تجنب الحركة: نحافظ على هدوء الشخص المصاب منحركوش كتير ، الحركة ممكن تزيد من انتشار السم في الجسم. 🚫🏃‍♂️

3. حاول تثبت المكان اللي اتلدغ فيه، ويفضل تحطه في مستوى أقل من القلب ودا لعدم انتشار السم ونقلل حدوث التورم بالضغط على الجرح برباط ضاغط أو قطعة قماش🫀 🖐️.

4. نغسل المنطقة بالماء والصابون💧🧼.

5. نتجنب تناول الكافيين لإنه يزيد من معدل ضربات القلب وتدفق الدم 🩸.

4. اتصل بالإسعاف 123 أو روح لأقرب مستشفى بأسرع ما يمكن. 📞🏥

>>>الإسعافات الأولية للدغة العنكبوت🕷️

1. أول حاجة اعملها هي إنك تغسل مكان اللدغة بالماء والصابون عشان تقلل من خطر العدوى. 💧🧼

2. استخدم كمادات باردة على مكان اللدغة لتخفيف الألم والتورم.🧊

3. لو ظهرت أعراض زي صعوبة التنفس أو تورم شديد، لازم تروح المستشفى فورًا. ⚠️🏥

4. متحاولش تشيل السم زى ما مشهور عندنا إنهم بيشفوطوا السم أو تشرط المكان، ده ممكن يسبب مضاعفات أكبر . 🚫✋

5. لو الألم كبير، ممكن تستخدم مسكنات زي الباراسيتامول لكن تحت إشراف طبي. 💊😊

في النهاية، الإسعافات الأولية مهمة جدًا لإنقاذ حياة ، ولازم نكون دايمًا جاهزين للتصرف بسرعة وبحكمة. 💪❤️

✍كوتش/ منة فارس

[فريق الإسعافات الأولية والخدمات التمريضية ]