الاختناق وازاي نتصرف صح معاه باذن الله 👀⛑️

السلام عليكم ورحمة الله وبركاته يا ابطال ، ان شاء الله تكونوا بخير 🤝🏻🤍

قبل كده اتكلمنا عن الاختناق واسبابه واعراضه 👌🏻

جميل هنيجي دلوقتي باذن الله للاسعافات الاولية للاختناق 🚑🫀🫁 :

اول حاجة بتديله خمس ضربات كده علي الضهر لو منفعوش هتعمل خمس مرات بالطريقة اللي هقولك عليها دلوقتي واللي هي في الصورة🫴🏻👇🏻

١- هتخلي ايدك المهيمنة علي شكل قبضة زي في الصورة كده

٢- هتحط القبضة دي اعلي البطن وتحت القفص الصدري علي طول

٣- اسحب بقوة شوية ل الداخل ول فوق

٤- هتفضل تكرر الخطوة دي لغاية ما الاكل اللي سادد الحنجرة يطلع أو المريض يعرف يتنفس

لو تفتكروا قولتلكوا فوق ☝️ أن فقدان الوعي له اسعاف لوحده ايوه لو المريض فقد الوعي وانا بعمل الخطوات اللي فوق هضطر اعمل الآتي :

١- هتفتح فم المريض اولا عشان لو في اكل ولا حاجة تطلعه لو مفيش حاجة باينة هترجع رأس المريض للخلف

وده عشان تفتح مجري الهواء ركز معايا

٢- هتقفل انف المريض وتديله نفسين

٣- هتشتغل نفس طريقة ال CPR لمدة ٢٠ دقيقة وساعة النفسين اللي هتديهم للمريض تفضل تبص تشوف في حاجة خرجت أو بانت في الفم وكده ولا لا لو في حاجة ظهرت طلعها مفيش هتفضل تشتغل لغاية ما الشخص يفوق باذن الله 🤝

كل معلومة بتكتسبها ، ممكن تنقذ بيها شخص في يوم من الايام ❤️💯🌹

✍🏻 كوتش / محمد العدوي

HealthyLife Manager

ومتخصص الاسعافات الاولية والخدمات التمريضية من فريق HealthyLife