top of page

عادات غلط سهل تبقي صح

Writer's picture: Rewan GamalRewan Gamal

حاجات كتير احنا ممكن نكون بنعملها غلط واحنا مش عارفين تعالو مع بعض نشوف شوية من العادات دي عشان نكون قادرين نتجنبها باذن الله 💪🏻


ـ تخطي وجبة الفطار: كتير من الناس بيفوتوا وجبة الفطار وده بيؤثر على مستويات الطاقة وطريقة حرق الدهون خلال اليوم.


ـ الإفراط في تناول السكريات: استهلاك كمية كبيرة من السكر بيؤدي لزيادة الوزن وارتفاع مستويات السكر في الدم، وكمان بيزود فرص الإصابة بأمراض زي السكري.


ـ الأكل السريع والمشروبات الغازية: الأكل السريع مليان دهون وصعوبات في الهضم، والمشروبات الغازية بتحتوي على نسبة عالية من السكر اللي بيأثر بالسلب على صحتك.


ـ الأكل قدام التلفزيون أو أثناء الموبايل: الأكل بدون تركيز بيخليك تاكل أكتر من احتياجك الفعلي، وده بيؤدي لزيادة الوزن.


ـ تناول كميات كبيرة من الأكل دفعة واحدة: الأكل بكميات كبيرة في وقت واحد بيرهق الجهاز الهضمي وبيزود الإحساس بالانتفاخ.


ـ شرب المياه أثناء الأكل: شرب كميات كبيرة من المياه أثناء الأكل ممكن يخفف من العصارات الهضمية، وده بيأثر على عملية الهضم.


ـ تناول الأكل متأخر في الليل: الأكل قبل النوم بيسبب مشاكل في الهضم وبيزود احتمالات زيادة الوزن.


ـ الاعتماد على المكملات الغذائية بدلاً من الأكل الصحي: المكملات مش هتعوض الأكل الصحي المتوازن، والجسم بيحتاج الفيتامينات والمعادن من مصادر طبيعية.


ـ عدم تناول الخضروات والفواكه بكميات كافية: الخضروات والفواكه مليانة فيتامينات ومعادن مهمة، وغيابها عن نظامك الغذائي بيؤثر بالسلب على صحتك.


ـ عدم تنظيم أوقات الوجبات: الأكل في أوقات غير منتظمة بيخلي الجسم محتار ومش عارف ينظم عملية الهضم بشكل صحيح.

دمتم بخير ✨

اخصائية التغذية / روان جمال

0 comments

Comentarios

Obtuvo 0 de 5 estrellas.
Aún no hay calificaciones

Agrega una calificación
photo_2024-02-29_21-47-37.jpg
Get it on Google Play
bottom of page